失聲~!

好可怕!
28日放工後開始放幾日假
好開心好興奮咁啦...
點知到晚上十一點左右開始唔對路
感覺到左邊喉嚨腫腫地
再夜少少直情連吞口水都痛
見咁夜,而且幾個月之前都試過咁樣, 之後嗰晚瞓左十幾二十個鐘就無事
所以無睇醫生諗住今次都係瞓耐啲會無事
嗰晚瞓得不太好
不過第二日都總算無再痛
以為好返啦
到29日夜晚食完樓飯(我已經無食煎炸食物喇...)
開始聲沙
咁我都乖乖地去睇醫生啦...
點知之後就出唔到聲
淨係可以用三歲小朋友嘅frequency加王苑之咁嘅volume講嘢...
好慘好慘好慘呀~!
醫生話喉嚨發炎, 個位好近聲帶所以咁喎...
我唔食煙, 酒又無飲喇...都咁嘅...
好陰公...
不過其實之前個禮拜連續幾日都八點幾先收工
周身骨痛之餘條頸又緊又痛
然後又好密集式地食左幾日辣嘢&熱氣嘢
...............................
死啦4號去日本喇, 一定要好番呀...
就算好番都要戒辣嘢同餅仔薯片...
重要重新練番把聲...
依家食左2次藥, 有隻開聲藥阿醫生話含有類固醇
對關節炎嘅人就唔太好, 不過份量少都無問題
啲唱歌嘅人都係食呢隻開聲喎...
但暫時都無乜起色...
唉~!
失聲真係好慘, 二十幾年來都無發生過
重要比人笑...(你好嘢!我實話比細佬知!)