女豪情
上次Rockit audition完
有個東方的哥哥仔訪問了我們d-head & Hardpack
還以為早已錯過了那篇報導
原來今日刊登了!
以我的身材
本應不會有機會出現在這版
不過或許我骨子裡就是太性感了
嘩哈哈.....
相片拍得不錯哩!
以下摘錄了部份內容:
瘋狂fans 翻轉吧
當晚各比賽隊伍fans 一早已經到呢間位於旺角太平道「 I 」字頭嘅酒吧 ，搞到間吧人山人海，小記幾經辛苦先係人堆之中攝到一個靚位拍攝 ，嗰頭先至企定 ，呢頭比賽隊伍已經開始進場。全晚總共有五隊參賽隊伍，小記拍攝其中兩隊最突出嘅D-head 及Hardpack 。首先進場嘅D-head set 好音響之後即刻唱咗一首快歌，原本仲係好平靜觀眾立即被強勁音樂影響 ，開始隨住音樂節拍擺動身體 ，恍如身處的士高一樣。接住第二首歌，負責Keyboard 女主音Lui 開始走向舞台中央專心獻唱，旁邊嘅fans 更加一邊唱一邊做出人浪動作，十分投入 。
賽後小訪問比賽過後小記捉住兩隊band 組員做一個訪問。首先係D-head......
記 ： 「 頭先睇你哋表演覺得你哋默契好好，音與音之間轉接做得好完美，唔知你哋夾幾耐band 呢 ？如果換咗其中一位隊員，仲可唔可以有咁好表現？ 」
主音阿 Lui ：「我哋呢隊組合只係夾四個月，但每一個隊員以前都曾經夾過band ，不過今次呢一隊大家都覺得好夾。至於換另一位隊員，我覺得夾band就好似打籃球一樣，傳波時候要講求默契 ，唔係話換另一個技術好嘅人落場就可以打得更加好，所以真係要夾過練過至可以肯定表現得好唔好 ！ 」
記 ：「咁你哋放晒啲時間落音樂度 ，邊有時間拍拖呢 ？ 」
Lui ：「音樂就係我哋嘅情人，係目前我哋淨係想將時間貢獻畀音樂，至於朋友方面，我哋嘅朋友都係呢個圈子 ，係音樂發燒友，所以根本唔擔心冇時間陪朋友！而且每次出完 show 或者夾完band，我哋成班朋友都會去酒吧飲吓酒，交換作曲靈感！ 」 
要在此多謝謝晶晶的Page Boy biker 背心
及公司的30% off discount令我得以擁有Dr. Marten boot
當然最緊要就係好撐我的朋友們(especially thanks to Wade/Mary/Christine/Vera!)
雖然只有二十分鐘表演
還有遐想&女人之歌未能唱出
但那晚還是很盡興哩!
跟Very Ape的成員們聊天
和Hard pack 的KK和Joseph一起癲
這樣子出show真的格外興奮!
posted by lui @ 9:28 PM
1 comments
